La rousée

La rousée du joly mois de may
a mouillé ma mye et moy.

Ce fut alors que l'aurore
Commençoyt à se lever,
Qu'avec celle que j'adore
M'en alloys au boys jouer.
La rousée ...

Dessus l'herbette perlée,
Au lieu le plus gratieux,
Sous crainte de la rousée
Nous nous assimes tous deux.
La rousée ...

Où au flair des fleurs fleurantes,
Au chant de cent mille oyseaux,
Au doux bruite des eaux coulantes,
Je luy raconte mes maux.
La rousée ...

Je lui conte le martire
Que j'ay souffert en l'aymant;
Elle m'escoutant soupire,
Puis conte son tourment.
La rousée ...

Ainsi qu'elle' je soupire,
Puis fondent tous deux en pleurs,
Muetz nous ne pourons nous dire
Sinon baiser moy je meurs.
La rousée ...

Je ne voudrois un empire
Eschanger à mes amours.
J'ay me trop mieux pouvoir dire
Maintenant et à toujours.
La rousée ...