FRESE NOUVELE
 
Teneur:
Frese nouvele!
Muere france! Muere, muere france!
 
Double:
A Paris soir et matin
Truev'on bon pain et bon cler vin,
Bone char et bon poisson,
De toutes guises compaignons,
Sens soutie, grant baudour,
Biaus joiaus, dames d'ounour;
Et si truev'on bien entredeus
De menre feur pour homes desiteus.
 
Triple:
On parole de batre et de vanner
Et de foir et de hanner,
Mais ces deduis trop me desplaisent,
Car il n'est si bone vie que d'estre a aise
De bon cler vin et de chapons,
Et d'estre aveuc bons compaignons,
Lies et joians, Chantans, Truffans
Et amorous, et d'avoir, quant c'on a mestier,
Pour solacier Beles dames a devis:
Et tout ce truev'on a Paris.