TEMPUS EST IOCUNDUM (CB 179)
 
Tempus est iocundum o virgines
Modo congaudete vos iuvenes,
O, o, totus floreo
iam amore virginali totus ardeo
novus novus amor est quod pereo.
 
Cantat philomena sic dulciter,
et modulans auditur; intus caleo. 
O, o, ...
 
Sile, philomena, pro tempore!
surge, cantilena, de pectore!
O, o, ...
 
Mea me confortat promissio,
mea me deportat negatio.
O, o, ...
 
Flos est puellarum quam diligo,
et rosa rosarum, quam sepe video.
O, o, ...
 
Mea mecum ludit virginitas,
mea me detrudit simplicitas.
O, o, ...
 
Veni, domicella, cum gaudio!
veni, veni pulchra, iam pereo!
O, o, ...